ఏర్గట్ల: కారు ఢీకొని వ్యక్తి మృతి

బాల్కొండ నియోజకవర్గం ఏర్గట్ల మండలకేంద్రంలో సోమవారం రోడ్డు ప్రమాదం చోటు చేసుకుంది. పూర్తి వివరాల్లోకి వెళ్తే.. ఏర్గట్ల మండలకేంద్రానికి చెందిన గాండ్ల నాగయ్య తన ఎక్సల్ వాహనంపై బట్టాపూర్ నుండి ఏర్గట్లకు వెళ్తున్నాడు. బట్టాపూర్ గ్రామానికి చెందిన బాలె శ్రీనివాస్ కారు ఎక్సెల్ ను ఢీకొనడంతో నాగయ్య అక్కడికక్కడే మృతి చెందాడు. మృతుడి భార్య ఫిర్యాదు మేరకు కేసు నమోదు చేసి దర్యాప్తు చేపట్టినట్లు పోలీసులు తెలిపారు.