దారుణం.. ఏనుగుల దాడిలో ఇద్దరు చిన్నారుల మృతి

ఛత్తీస్‌గఢ్‌లో మరోసారి ఏనుగులు బీభత్సం సృష్టించాయి. ఆదివారం తెల్లవారుజామున సూరజ్ పూర్ జిల్లా ప్రేమ్ నగర్ ప్రాంతంలోని చిట్‌ఖాయ్ గ్రామంలో ఓ కుటుంబంపై దాడి చేసి ఇద్దరిని చంపేశాయి. మృతి చెందిన చిన్నారులను బిసు పండో(11),కాజల్ (5)గా గుర్తించారు. పిల్లలిద్దరూ గాఢ నిద్రలో ఉండటం వల్ల ఏనుగుల నుంచి తప్పించుకోలేక పోయారని అధికారులు తెలిపారు. కాగా గత 25 రోజుల్లో ఛత్తీస్‌గఢ్‌లో ఏనుగుల దాడిలో 9 మంది మరణించడం గమనార్హం.