ఉడుముని వేటాడి సోషల్ మీడియాలో వీడియో పోస్టు చేసిన యువకుడిపై కేసు నమోదు

ఉడుముని వేటాడి సోషల్ మీడియాలో వీడియో పోస్టు చేసిన యువకుడిపై కేసు నమోదైంది. నిర్మల్ జిల్లాలోని కడెం పెద్దూర్ అటవీ రేంజ్ లో ఈ ఘటన చోటుచేసుకుంది. సదరు వ్యక్తి తన పొలంలో ఓ ఉడుమును చంపి, దాని మాంసంతో విందు చేసుకుంటానంటూ ఇన్‌స్టాగ్రామ్ లో వీడియో పోస్టు చేశాడు. వీడియో వైరల్ కావడంతో దీనిపై ఓ జంతు ప్రేమికుడు జిల్లా అటవీ శాఖ అధికారి (డీఎస్ఓ) నాగిని భానుకి ఫిర్యాదు చేశారు. ఈ మేరకు ఆ యువకుడిని అదుపులోకి తీసుకున్నామని డీఎస్ఓ తెలిపారు.