நாட்றம்பள்ளி விபத்தில் 10கும் மேற்பட்டோர் படுகாயம்

*நாட்றம்பள்ளி அருகே இறப்பு வீட்டிற்கு சென்ற போது மினி வேன் கவிழ்ந்து விபத்தில் 10 பேர் காயம்! நேரில் நலம் விசாரித்த கலெக்டர் மற்றும் எம்எல்ஏ*

திருப்பத்துர் மாவட்டம்
நாட்றம்பள்ளி அடுத்த சந்திரபுரம் கொல்லன்குட்டை பகுதியை சேர்ந்த 20 பெண்கள் ஆந்திரா மாநிலம் மல்லானுர் பகுதியில் உறவினர் இறப்பு நிகழ்வுக்கு ஒரு மினி வேனில் சென்றனர். அந்த வேன் நாட்றம்பள்ளி அடுத்த கல்நார்சம்பட்டி என்கிற இடத்தில் சென்ற போது சாலையில் உள்ள ஒரு பள்ளத்தில் இறங்கி ஏறிய போது ஓட்டுனரின் கட்டுப்பாட்டையிழந்து சாலையில் கவிழ்ந்து விபத்துக்குள்ளானதில் வேனில் பயணம் செய்த சரோஜா (45), லிங்கம்மாள் (60), வெண்ணிலா(40), முனியம்மாள்(30), ஜெயந்தி(39), ஜெகன்(30), ருக்மணி(45), உமா(40), உள்ளிட்ட 10பேர் காயமடைந்தனர். அதனை பார்த்த அப்பகுதி மக்கள் அவர்களை மீட்டு சிகிச்சைக்காக திருப்பத்தூர் அரசு மருத்துவமனைக்கு அனுப்பி வைத்தனர்.

இது குறித்து தகவல் அறிந்த நாட்றம்பள்ளி போலிசார் சம்பவ இடத்திற்கு விரைந்து சென்று விபத்து குறித்து விசாரணை மேற்கொண்டனர்

இதை தொடர்ந்து திருப்பத்தூர்
அரசு மருத்துவமனையில் சிகிச்சை பெற்று வருபவர்களை மாவட்ட ஆட்சியர் தரப்பகராஜ், ஜோலார்பேட்டை எம். எல். ஏ தேவராஜ் ஆகியோர் நேரில் சென்று நலம் விசாரித்தனர்.