அமராவதி ஆற்றில் மூழ்கி தொழிலாளி பலி

தாராபுரம் தென்கரைப் பகுதியைச் சேர்ந்தவர் முருகேசன் (வயது 55). இவர் அதே பகுதியைச் சேர்ந்த தனது நண்பர்களுடன் சேர்ந்து மது அருந்திவிட்டு குடிபோதையில் அமராவதி ஆற்றில் குளிக்க சென்றனர். அங்கு ஆற்றில் குளித்து கொண்டிருக்கும்போது எதிர்பாராத விதமாக நீரில் முருகேசன் மூழ்கினார். இதை அறிந்த அவரது நண்பர்கள் முருகேசனை காப்பாற்ற முயன்றனர். பின்னர் அவரை மீட்டு கரைக்கு கொண்டு வந்தனர். ஆனால் அவர் அதற்குள் இறந்து விட்டார். இச்சம்பவம் குறித்து தாராபுரம் காவல்துறை வழக்கு பதிவு செய்து விசாரணை மேற்கொண்டு வருகின்றனர்.