சோத்துப்பாறை அணையில் இருந்து தண்ணீர் திறப்பு

பெரியகுளம் அருகே சோத்துப்பாறை அணையில் இருந்து முதல் போகத் விவசாயத்திற்கு தண்ணீர் திறந்து வைத்தார் கலெக்டர்.

தேனி மாவட்டம் பெரியகுளம் மேற்கு தொடர்ச்சி மலை அருகே அமைந்துள்ள சோத்துப்பாறை அணையில் இருந்து முதல் போக பாசனத்திற்காக இன்று தேனி மாவட்ட ஆட்சித்தலைவர் ஷஜீவனா & பெரியகுளம் சட்டமன்ற உறுப்பினர் சரவணகுமார் தண்ணீர் திறந்து வைத்தனர். இதில் தேனி மாவட்டத்தில் உள்ள 2865 ஏக்கர் பாசன வசதி பெரும் வகையில் இன்று முதல் 150 நாட்களுக்கு 60 கன அடி தண்ணீர் திறந்து விட உள்ளதாக பொதுப்பணித்துறை அதிகாரிகள் தெரிவித்துள்ளனர்.