காரைக்குடியில் விஜய் குறித்து கார்த்திக் சிதம்பரம் கருத்து

சிவகங்கை மாவட்டம் காரைக்குடி அருகே கண்டனூரில் கால்பந்து போட்டியை துவக்கி வைத்து போட்டியை கண்டு ரசித்தார். பின்னர் செய்தியாளர்களை சந்தித்த கார்த்தி சிதம்பரம், விஜய் புதிதாக கட்சி ஆரம்பித்து அரசியலுக்கு வந்திருக்கிறார்கள். அவர்களுடைய கொள்கை விளக்கம், செயல்பாடுகள் போகப் போகத்தான் தெரியும். விஜய் சாதுர்யமான முடிவுகளை எடுப்பாரா அல்லது பிம்பத்தின் மீதான முடிவுகளை எடுப்பாரா என்பதை பொருத்திருந்துதான் பார்க்க வேண்டும் என்றார். தொடர்ந்து விஜய் மீதான சீமானின் விமர்சனம் குறித்து கேள்விக்கு, சீமானுக்கு நிரந்தர வாக்கு வங்கி இல்லை. ஒரு முறை வாக்களித்தவர்கள் மீண்டும் சீமானுக்கு வாக்களிப்பதில்லை என்பதால் அவருக்கு அச்சம் ஏற்பட்டிருக்கலாம் என்றார்.