நெல்லை, மயிலாடுதுறை காங்கிரஸ் வேட்பாளர்கள் இன்று அறிவிப்பு

நெல்லை, மயிலாடுதுறை மக்களவை தொகுதிகள் மற்றும் விளவங்கோடு சட்டமன்ற தொகுதி இடைத்தேர்தலுக்கான வேட்பாளர் இன்று மாலைக்குள் அறிவிக்கப்படவுள்ளதாக தமிழக காங்கிரஸ் கமிட்டி தலைவர் செல்வப்பெருந்தகை தெரிவித்துள்ளார். சென்னை சத்தியமூர்த்திபவனில் செய்தியாளர்களை சந்தித்த அவர், 9 தொகுதிகளில் எஞ்சிய திருநெல்வேலி, மயிலாடுதுறை மக்களவைத் தொகுதி மற்றும் விளவங்கோடு இடைத்தேர்தலுக்கான காங்கிரஸ் வேட்பாளர்கள் இன்று மாலைக்குள் அறிவிக்கப்படுவார்கள் என்றார்.

திமுக கூட்டணியில் காங்கிரஸ் கட்சிக்கு தமிழகம், புதுச்சேரியில் 10 தொகுதிகள் ஒதுக்கப்பட்டுள்ளன. ஏற்கனவே தமிழகத்தில் 7 தொகுதிகளுக்கான வேட்பாளர்கள் அறிவிக்கப்பட்டுள்ளனர்.