பிரஜ்வல் ரேவண்ணாவுக்கு மருத்துவ பரிசோதனை

பல பெண்களை பாலியல் வன்கொடுமை செய்த குற்றச்சாட்டை எதிர்கொண்டு இடைநீக்கம் செய்யப்பட்ட ஜேடி(எஸ்) எம்.பி., பிரஜ்வல் ரேவண்ணா இன்று (வெள்ளிக்கிழமை) பலத்த பாதுகாப்புடன் மருத்துவ பரிசோதனைக்காக மருத்துவமனைக்கு அழைத்துச் செல்லப்பட்டார். பெண் போலீஸ் அதிகாரிகள் பாதுகாப்புடன், அவர் பௌரிங் மற்றும் லேடி கர்சன் மருத்துவமனைக்கு அழைத்துச் செல்லப்பட்டார்.

சிறப்பு புலனாய்வுக் குழு (எஸ்ஐடி) வெள்ளிக்கிழமை அதிகாலை ஜெர்மனியில் இருந்து, பெங்களூருவில் உள்ள கெம்பேகவுடா சர்வதேச விமான நிலையத்தில் பிரஜ்வல் வந்து இறங்கியவுடன் அவரை கைது செய்தது. அவர் மீது இதுவரை மூன்று பாலியல் வன்கொடுமை வழக்குகள் பதிவு செய்யப்பட்டுள்ளன.