மதுரை: பள்ளி முன்பு குளம் போல தேங்கிய நீர்; மாணாக்கர்கள் அவதி

மதுரை மாநகர் பகுதியில் தொடர்ந்து பெய்து வரும் மழை காரணமாக மதுரை மாநகராட்சிக்கு உட்பட்ட பல்வேறு பகுதிகளிலும் மழைநீர் தேங்கியுள்ளது.

இதில் மதுரை மாநகராட்சிக்கு உட்பட்ட நரிமேடு பகுதியில் உள்ள ஏராளமான தெருக்களில் மழைநீர் தேங்கியுள்ளதால் அப்பகுதி பொதுமக்களும் வாகன ஓட்டிகளும் சிரமத்திற்கு ஆளாகி வருகின்றனர்.

நரிமேடு பகுதியில் உள்ள நேரு வித்யாலயா பள்ளி முன்பாக மழைநீர் தேங்கியுள்ளதால் பள்ளிக்கு செல்லும் மானாகர்கள் மழை நீரில் நனைந்தபடி பள்ளிக்கு செல்லும் நிலை ஏற்பட்டுள்ளது.


பந்தல்குடி கால்வாய் ஒட்டியுள்ள பகுதியான நரிமேடு பகுதியில் தொடர்ந்து மழைநீர் வெளியேறி சாலைகளில் தேங்கி இருப்பதால் அப்பகுதி மக்கள் சிரமத்திற்கு ஆளாகிவருகின்றனர் மேலும் மழைநீர் கழிவு நீரோடு சேர்ந்து சாலைகளில் தேங்கி இருப்பதால் தொற்று நோய்கள் உருவாகும் என்ற அச்சத்தில் உள்ளனர்.