தாளவாடி ஒழுங்குமுறை விற்பனைக் கூடத்தில் தேங்காய்பருப்பு ஏலம்
ஈரோடு மாவட்டம் சத்தியமங்கலம் அடுத்த தாளவாடி அருகே உள்ள ஒழுங்குமுறை விற்பனை கூடத்தில் இன்று தேங்காய்பருப்பு ஏலம் நடந்தது. இதில் சுற்றுவட்டார பகுதியிலிருந்து விவசாயிகள் தேங்காய் பருப்பு கொண்டு வந்தனர். அதனைத் திருப்பூர், சேலம், கரூர், நாமக்கல், பொள்ளாச்சி போன்ற மாவட்டங்களில் இருந்து வந்து வியாபாரிகள் வாங்கிச் சென்றனர். இதில் 5.26 குவிண்டால் எடை கொண்ட 11 மூட்டைகள் தேங்காய்பருப்பு ரூ. 49,374க்கு விற்பனையானது. அதிகபட்சம் ரூ. 103.20க்கும், குறைந்தபட்சம் ரூ. 92.00க்கும் விற்கப்பட்டது.
