தர்மபுரி: நகராட்சி பள்ளியில் குழந்தைகள் தின விழா கொண்டாட்டம்

தர்மபுரி நகராட்சிக்கு உட்பட்ட நகராட்சி உயர்நிலைப் பள்ளியில் நேற்று குழந்தைகள் தின விழாவை முன்னிட்டு பேச்சுப்போட்டி, கட்டுரைப் போட்டி, வினாடி வினா போட்டி, ஓவியப் போட்டி, ஓட்டப்பந்தயம் உள்ளிட்ட போட்டிகள் நடைபெற்றது. இதில் வெற்றி பெற்ற மாணவர்களுக்கு பரிசுகள் வழங்கி கௌரவிக்கப்பட்டது. 

இந்நிகழ்ச்சியில் நகராட்சி மன்றத் தலைவர் லட்சுமி நாராயணன், நகராட்சி ஆணையர் சேகர், நகராட்சி பொறியாளர் புவனேஸ்வரி, திமுக நகரக் கழக செயலாளர் நாராயணன், 26வது வார்டு நகர்மன்ற உறுப்பினர் மற்றும் பள்ளி மேலாண்மைக் குழு தலைவர் தனலட்சுமி சுரேஷ், 24வது வார்டு பள்ளி மேலாண்மைக் குழு தலைவர் பாலசுப்பிரமணியன், அதிமுக நகரத் துணைச் செயலாளர் சுரேஷ், பள்ளித் தலைமை ஆசிரியர் சாந்தி மற்றும் பள்ளி ஆசிரியர்கள் மற்றும் மாணவர்கள் கலந்து கொண்டனர்.