சிதம்பரத்தில் 3 ரயில்களை நிறுத்த கோரிக்கை

சிதம்பரம் வழியாக செல்லும் 3 ரயில்களை சிதம்பரம் ரயில் நிலையத்தில் நிறுத்தம் செய்ய வேண்டும் என சிதம்பரம் ரயில் பயணிகள் நல சங்கத்தினர் வேண்டுகோள் விடுத்துள்ளனர்.

இதுகுறித்து சிதம்பரம் ரயில் பயணிகள் நல சங்க தலைவர் ஏ. வி. அப்துல்ரியாஸ் வெளியிட்டுள்ள பத்திரிகை செய்தி: உலகப் புகழ் பெற்ற நடராஜர் ஆலயம், தில்லை காளி கோயில், அண்ணாமலை பல்கலைக்கழகம், பிச்சாவரம் சதுப்புநிலகாடுகள் போன்ற சுற்றுலா தலங்கள் அமைந்திருக்கிற சிதம்பரம் ரயில் நிலையத்தில் நிற்காமல் செல்லும் 22613/22614 ராமேஸ்வரம் அயோத்தி, 16175/16176 சென்னை காரைக்கால், 20683/ 20684 தாம்பரம்செங்கோட்டை ஆகிய மூன்று ரயில்களுக்கு சிதம்பரத்தில் நிறுத்தம் வழங்கவேண்டும் என சிதம்பரம் மக்களின் நீண்டநாள் கனவாக உள்ளது. இதுகுறித்து சிதம்பரம் நாடாளுமன்ற உறுப்பினர் தொல். திருமாவளவன் தென்னக ரயில்வே அதிகாரிகளிடம் உடனடியாக பேசி ரயில்களை நிறுத்தம் செய்வதற்கு உரிய நடவடிக்கை எடுக்க வேண்டும் என கடிதத்தில் தெரிவித்துள்ளார்.