சாலை விபத்தில் சிறுவன் பலி: 7 பேர் படுகாயம்

சென்னை கொருக்குப்பேட்டை பெரியார் நகரை சேர்ந்தவர் ஹரிஹரன்(33). இவர், தனது மனைவி யோகபிரியா (31), தாய் புஷ்பா (55), மகன் யஸ்விந்த்ராஜ் (4) ஆகியோருடன் சென்னையில் இருந்து கோவைக்கு காரில் வந்தார். கோவையில் நிகழ்ச்சி ஒன்றை முடித்துவிட்டு ஊருக்கு திரும்பியுள்ளனர். திருப்பூர் மாவட்டம் வெள்ளகோவில் அருகே வெள்ளமடையில் வந்தபோது காரும் எதிரே வந்த சரக்கு வேனும் மோதிக்கொண்டன. இந்த விபத்தில் சிறுவன் யஸ்விந்த்ராஜ் உயிரிழந்துவிட்டார். மற்றவர்கள் படுகாயங்களுடன் சிகிச்சை பெற்று வருகின்றனர்.