మహిషాసుర మర్దిని అలంకారంలో వాసవి అమ్మవారు
దసరా శరన్నవరాత్రి ఉత్సవాల్లో భాగంగా బద్వేల్ పట్టణంలోని అమ్మవారి శాలలో కొలువుతీరియున్న శ్రీ వాసవి కన్యకా పరమేశ్వరి దేవి అమ్మవారు గురువారం మహిషాసుర మర్దిని అలంకారంలో భక్తులకు దర్శనమిచ్చారు. ప్రత్యేక అలంకారంలో కొలువుదీరి ఉన్న అమ్మవారిని భక్తులు పెద్ద ఎత్తున తరలివచ్చి దర్శించుకుంటున్నారు. ఆలయ కమిటీ నిర్వాహకులు, ఆర్యవైశ్య కమిటీ సభ్యులు భక్తుల సౌకర్యార్థం ప్రత్యేక ఏర్పాట్లు గావించారు.
