జంగారెడ్డిగూడెం: మద్దిలో సువర్చలా హనుమద్ కళ్యాణం

జంగారెడ్డిగూడెం మండలం గురవాయిగూడెంలో వేంచేసి ఉన్న శ్రీ మద్ది ఆంజనేయస్వామి ఆలయంలో ఆదివారం సువర్చలా హనుమద్ కల్యాణ క్రతువు నిర్వహించారు. ఆలయ మండపంపై ప్రత్యేక పూలతో అలంకరించిన వేదికపై శ్రీస్వామి అమ్మవార్లను ఆశీనులను చేసి, అర్చక స్వాములు వైఖానస ఆగమ శాస్త్ర బద్దంగా ఈ కార్యక్రమాన్ని నిర్వహించారు. సుమారు 4000 మంది భక్తులకు స్వామి వారి నిత్యాన్నదాన సత్రం నందు అన్నప్రసాద వితరణ చేశారు.