తాడేపల్లిగూడెం: భారీగా అక్రమ బాణాసంచా స్వాధీనం

తాడేపల్లిగూడెం భీమవరం బైపాస్ రోడ్డులోని హోల్ సేల్ పండ్ల మార్కెట్ వీధిలో ఎటువంటి అనుమతులు లేకుండా బాణాసంచా విక్రయిస్తున్న ఇద్దరిని అదుపులోకి తీసుకున్నట్లు పట్టణ సీఐ సుబ్రహ్మణ్యం మంగళవారం తెలిపారు. ఈ సందర్భంగా రూ. 1. 20 లక్షలు విలువైన బాణసంచా సామాగ్రిని స్వాధీనం చేసుకుని కేసు దర్యాప్తు చేస్తున్నట్లు వివరించారు. అనంతరం ఆయన మాట్లాడుతూ. అనుమతులు లేకుండా బాణా సంచా విక్రయిస్తే చర్యలు తప్పవన్నారు.