కసింకోట : రోడ్డు ప్రమాదంలో డ్రైవర్ మృతి
అనకాపల్లి జిల్లా కశింకోట జాతీయ రహదారిపై ఆదివారం రోడ్డు ప్రమాదం చోటు చేసుకుంది. యు టర్న్ తీసుకుంటున్న లారీని ఆర్టీసీ బస్సు ఢీకొట్టడంతో ఈ ప్రమాదం జరిగింది. దీంతో బస్సు డ్రైవర్ మృతి చెందగా 10 మంది ప్రయాణికులకు స్వల్ప గాయాలయ్యాయి. 33 మంది ప్రయాణికులతో నరసాపురం నుండి విశాఖపట్నం వస్తుండగా ఈ ప్రమాదం జరిగింది. సమాచారం అందుకున్న పోలీసులు సంఘటన స్థలానికి చేరుకుని కేసు నమోదు చేశారు.
