కోటవురట్ల: గ్రామాలను పరిశుభ్రంగా ఉంచాలి: స్పెషల్ ఆఫీసర్
గ్రామాలను ఎల్లప్పుడూ పరిశుభ్రంగా ఉంచాలని మండల ప్రత్యేక అధికారి ఉదయశ్రీ సూచించారు. శనివారం మండల కేంద్రమైన కోటవురట్లలో స్వచ్ఛతా హీ సేవా కార్యక్రమాన్ని నిర్వహించి రహదారులకు ఇరువైపులా తుప్పలను తొలగించి శుభ్రం చేశారు. ఈ కార్యక్రమంలో పాల్గొన్న ఆమె మాట్లాడుతూ పరిశుభ్రత ఆరోగ్యకరమైన వాతావరణానికి దోహదపడుతుందని అన్నారు. ఈ కార్యక్రమంలో ఎంపీడీవో కాశీ విశ్వనాథరాజు, పలువురు మండల స్థాయి అధికారులు పాల్గొన్నారు.
