సంక్రాంతి సంబరాల్లో మాజీ ఎమ్మెల్యే

విశాఖ ఏజెన్సీ పాడేరు మండలం కుమ్మరి పుట్టు లో సంక్రాంతి సంబరాలు ప్రజలు ఘనంగా జరుపుకున్నారు. గిరిజన సంప్రదాయ దింసా నృత్యాలతో మహిళలు అలరించారు. సంక్రాంతి పండుగ సందర్భంగా ఏర్పాటు చేసిన సంబరాల్లో పాడేరు నియోజకవర్గ తెలుగుదేశం పార్టీ ఇన్ ఛార్జ్ మాజీ ఎమ్మెల్యే గిడ్డి ఈశ్వరి పాల్గొని గిరిజన మహిళలతో పాటు దింసా నృత్యం చేశారు. గిరిజన సంస్కృతి సాంప్రదాయాలను ప్రతిబింబించే పండుగల్లో సంక్రాంతి ముఖ్యమైనదని మాజీ ఎమ్మెల్యే ఈశ్వరి పేర్కొన్నారు. మహిళలతో దింసా నృత్యం చేస్తూ అలరించారు. సంస్కృతి సంప్రదాయాలను పాటిస్తూ ప్రజలంతా సంక్రాంతి పండుగను ఘనంగా జరుపుకోవాలని ఈశ్వరి కోరారు.