నెల్లిమర్ల: యాంటీ డ్రగ్స్ పోస్టర్ ను విడుదల చేసిన ఎస్ఐ
నెల్లిమర్ల లో ఎస్సై రామ గణేష్ శుక్రవారం యాంటీ డ్రగ్స్ పోస్టర్ ను విడుదల చేశారు. ప్రజలు మాదకద్రవ్యాల వినియోగానికి దూరంగా ఉండాలని పిలుపునిచ్చారు. ముఖ్యంగా విద్యార్థులు మత్తు పదార్థాలకు అలవాటు కావద్దని హితవు పలికారు. అనంతరం గ్రామీణ ప్రాంతాల్లో శాంతి భద్రతల పరిరక్షణకై మహిళా పోలీసులతో సమీక్ష సమావేశం నిర్వహించారు. చట్ట వ్యతిరేక కార్యకలాపాలు గ్రామీణ ప్రాంతంలో చోటు చేసుకోకుండా ప్రత్యేక శ్రద్ధ వహించాలని సూచించారు.
