నాయుడుపేట: అనుమానాస్పదంగా వ్యక్తి మృతి

నాయుడుపేట పట్టణ పరిధిలోని స్వర్ణముఖి నది ఒడ్డున శివాలయం వద్ద విజయసాగర్ అనే వ్యక్తి ఆదివారం అనుమానాస్పదంగా మృతి చెందినట్లు స్థానికులు గుర్తించారు. వారు వెంటనే పోలీసులకు సమాచారం అందించారు. టైల్స్ నిర్మాణ పనులు చేసే విజయ అధికంగా మద్యం తాగడం వల్లే గొంతు ఎండిపోయి మృతి చెందినట్లుగా పోలీసులు అనుమానిస్తున్నారు. మృతునికి భార్య లత, ఇద్దరు పిల్లలు ఉన్నారు. పోలీసులు కేసు నమోదు చేసి దర్యాప్తు చేస్తున్నారు.