కార్వేటినగరం: రైతులు పంట సాగులో మెలకువలు పాటించాలి

వ్యవసాయం చేసే రైతులు పంటలు పండించడంలో మెలకువలు పాటించడం ద్వారా అధిక దిగుబడులు సాధించవచ్చని జిల్లా ఉద్యాన శాఖాధికారి మధుసూదనరెడ్డి అన్నారు. ఈ సందర్భంగా గంగాధర నెల్లూరు నియోజక వర్గం కార్వేటినగరంలో గురువారం రైతులకు మామిడి, చెరకు, కోకో, ఆయిల్ ఫాం పంటలకు ఆశించే చీడ పీడలు, చేపట్టవలసిన సస్యరక్షణ చర్యలు, యాజమాన్య పద్ధతుల గురించి తెలియజేశారు. కార్యక్రమంలో రైతులు పెద్ద సంఖ్యలో పాల్గొన్నారు.