వైభవంగా నడ్డమ్మ తల్లి ఆలయ ప్రారంభోత్సవం

కంచిలి మండలంలోని కత్తివరం గ్రామ దేవత శ్రీ శైలపుత్రి నడ్డమ్మ తల్లి ఆలయ ప్రారంభోత్సవ కార్యక్రమం శుక్రవారం అంగరంగ వైభవంగా నిర్వహించారు. ఈ కార్యక్రమంలో భాగంగా శుక్రవారం గ్రామంలో మహిళలు సామూహిక కుంకుమ పూజలు నిర్వహించారు. శ్రావణ శుక్రవారం కావడంతో చుట్టూ పక్కల గ్రామాలకు చెందిన మహిళలు అధిక సంఖ్యలో పూజలో పాల్గొన్నారు. రాత్రి నిర్వహించిన సాంస్కృతిక కార్యక్రమాలు చూపరులను ఆకట్టుకున్నాయి.