ఉరవకొండ: రోడ్డు ప్రమదంలో వ్యక్తి మృతి

ఉరవకొండ పట్టణ శివారులోని 42వ జాతీయ రహదారిపై రోడ్డు ప్రమాదం జరిగింది. బైక్ ను బొలెరో క్యాంపర్ ఢీకొన్న ఘటనలో ఒకరు మృతి చెందగా, మరో ఇద్దరికి తీవ్ర గాయాలయ్యాయి. క్షతగాత్రులను 108 వాహనంలో ఉరవకొండ ప్రభుత్వ ఆసుపత్రికి తరలించారు. బుక్కరాయసముద్రం నుంచి బొమ్మనహల్ మండలం ఉంతకల్లుకు వెళ్తుండగా ప్రమాదం జరిగింది. ఇద్దరి పరిస్థితి విషమంగా ఉండటంతో మెరుగైన వైద్యం కోసం అనంతపురం తరలించారు.