ధర్మవరంలో 15వ తేదీన అన్న క్యాంటీన్లు ప్రారంభం

15వ తేదీన రాష్ట్రవ్యాప్తంగా అన్న క్యాంటీన్లు అందుబాటులోకి వస్తాయని ముఖ్యమంత్రి చంద్రబాబునాయుడు ప్రకటించారు. మొత్తం 183 అన్న క్యాంటీన్లను ఒకే రోజు ప్రారంభించాలని భావించినప్పటికీ, కొన్ని ప్రాంతాల్లో నిర్మాణ పనుల్లో జాప్యం కారణంగా, రెండు విడతల్లో ప్రారంభిస్తారు. ధర్మవరంలో 15వ తేదీన 2 అన్న క్యాంటీన్లు టీడీపీ ఇన్‌చార్జ్ పరిటాల శ్రీరామ్ ప్రారంభిస్తారని అని తెదేపా పట్టణ అధ్యక్షులు పరుసే సుధాకర్ తెలిపారు.