అనంతపురం: వరదలో చిక్కుకున్న కుటుంబాన్ని రక్షించిన పోలీసులు

అనంతపురంలో ప్రాణభయంతో మిద్దెక్కిన ఓ కుటుంబాన్ని పోలీసులు మంగళవారం రక్షించారు. సోమవారం రాత్రి కురిసిన భారీ వర్షాలకు అనంతపురం నగర శివారులోని స్థానిక టీవీ టవర్ ప్రాంతంలో ఇళ్ల మధ్యలోకి వరద నీరు చేరింది. ఒక కుటుంబం మిద్దిపైకి ఎక్కి ప్రాణ భయంతో బిక్కుబిక్కుమంటూ సాయం కోసం ఎదురుచూస్తోంది. విషయం తెలుసుకున్న పోలీసులు మంగళవారం ఉదయం ఘటనా స్థలికి చేరుకుని ఆ కుటుంబాన్ని కాపాడారు. ఎస్పీ జగదీశ్ పోలీసులను అభినందించారు.