ఇస్కపాళెం ప్రాథమిక పాఠశాలలో గాంధీ వర్ధంతి నిర్వహణ

వెంకటాచలం మండలంలోని ఇస్కపాళెం ప్రాథమిక పాఠశాలనందు మంగళవారం ఉపాధ్యాయులు, విద్యార్థులు గాంధీ వర్ధంతిని అమరవీరుల సంస్మరణ దినోత్సవంగా జరిపారు. మహాత్మాగాంధీ చిత్ర పటానికి పుష్పాలు ఉంచి నివాళులు అర్పించారు. కుల, మత వర్గాలకు అతీతంగా సర్వజనుల హితమే తన మతమని మహాత్మాగాంధీ చాటారని జాతిపిత మాటలను ఉపాధ్యాయులు విద్యార్థులకు వివరించారు. ఈకార్యక్రమంలో హెడ్మాస్టర్ పార్వతీశం, ఉపాధ్యాయులు మాధవ్ రావ్, కవిత పాల్గొన్నారు.