దోర్నాల: అత్త, మామలపై దాడి చేసిన వ్యక్తి అరెస్ట్

ప్రకాశం జిల్లా, పెద్ద దోర్నాల మండలం చింతల గ్రామంలో భార్యను కాపురానికి పంపించడం లేదని అక్టోబర్ 28వ తేదీన మామ, అత్తలపై అల్లుడు హనుమయ్య కత్తితో దాడి చేశాడు. తర్వాత సంఘటనా స్థలం నుంచి పరారయ్యాడు. ఈ దాడిలో తీవ్రంగా గాయపడ్డ అత్త, మామలను కుటుంబ సభ్యులు ఆసుపత్రికి తరలించారు. కేసు నమోదు చేసిన పోలీసులు నిందితుడిని అదుపులోకి తీసుకున్నారు. నిందితుడిపై హత్యాయత్నం కేసు నమోదు చేసినట్లుగా ఎస్సై మహేష్ తెలిపారు.