ప్రజా దర్బార్ కు వెల్లువెత్తిన విన్నపాలు
మంత్రి నారా లోకేశ్ ప్రజాదర్బార్ కు విన్నపాలు వెల్లువెత్తాయి. సోమవారం మంగళగిరి మండలం ఉండవల్లిలోని నివాసంలో ప్రజాదర్బారులో ప్రజలు బారులు తీరారు. మంత్రి నారా లోకేశ్ ను స్వయంగా కలిసి తమ సమస్యలు విన్నవించారు. ప్రతి ఒక్కరి విజ్ఞప్తిని పరిశీలించిన మంత్రి సమస్యల పరిష్కారానికి కృషిచేస్తామని, బాధితులకు అండగా ఉంటామని హామీ ఇచ్చారు. ఆయా సమస్యలను సంబంధిత శాఖలకు పంపి చర్యలు తీసుకోవాలని సిబ్బందిని ఆదేశించారు.
