అవనిగడ్డ: ఉప్పెన మృతులకు నివాళులు

1977 పెను తుఫాను ఉప్పెనలో అసువులు బాసిన పలువురికి కూటమి నేతలు నివాళులు అర్పించారు. మంగళవారం అవనిగడ్డ మండల పరిధిలోని పులిగడ్డ శివారులో ఉన్న ఉప్పెన మృతుల స్థూపం వద్ద కొవ్వొత్తులు వెలిగించి నివాళులర్పించారు. ఈ సందర్భంగా అవనిగడ్డ ఎమ్మెల్యే తనయుడు మండలి వెంకట్రామ్ మాట్లాడుతూ ఆ విషాద సంఘటన జరిగి 47 సంవత్సరాలు అయింది అన్నారు. ఇప్పటికే ఆ విషయం తలుచుకుంటే భయం వేస్తుందన్నారు.