భార్య చేతిలో భర్త హతంపై వివరాలు వెల్లడించిన సీఐ
ఉండ్రాజవరం మండలం సూర్యరావుపాలెం శివారు రెడ్డిచెరువు గ్రామంలో జరిగిన హత్యకు సంబంధించి వివరాలను సీఐ శ్రీనివాసరావు బుధవారం వెల్లడించారు. చింతలపూడి శ్రీనివాసరావు, భార్య రాణి మధ్య జరిగిన ఘర్షణలో భాగంగా కత్తెరతో దాడి చేయడంతో శ్రీనివాసరావు మృతి చెందాడని చెప్పారు. మృతుడి సోదరుడు ఇచ్చిన ఫిర్యాదు మేరకు కేసు నమోదు చేసి దర్యాప్తు చేస్తున్నట్లు, రాణిని అదుపులోకి తీసుకున్నట్లు ఆయన వెల్లడించారు.
