పుట్టినరోజు సంధ్భంగా నిరుపేద కళాకారునికి ఆర్థిక సహాయం

ఖాజీపేట మండలం కె.సుంకేసుల గ్రామానికి చెందిన ఖాజీపేట -3 ఎంపీటీసీ అభ్యర్థి జి.క్రిష్ణ చైతన్య కుమార్ రెడ్డి తన జన్మదినము సందర్భంగా.. ఖాజీపేట టీచర్స్ కాలనీలో నివాసముంటున్న ఎంతో ప్రతిభ కలిగిన పుట్టుకతోనే అందుడైన 65సంవత్సరాల చెరుకూరి వెంకటేశ్వర్లు కి ఐదు వేల రూపాయలు నగదు అందజేశారు.

ఈ సందర్భంగా కృష్ణ చైతన్య రెడ్డి మాట్లాడుతూ.. చెరుకూరి వెంకటేశ్వర్లు 65 సంవత్సరాలు, పుట్టుకతోనే కంటిచూపు కోల్పోయినప్పటికీ కీబోర్డు, హార్మోనిస్టు లో మంచి ప్రావీణ్యం గల గొప్ప కళాకారులు, అన్ని అవయవాలు బాగున్నప్పటికీ జీవితంలో ఏదో కోల్పోయామని బాధపడేవారు. వెంకటేశ్వర్లుని స్ఫూర్తి పొందాలని తెలిపారు. కరోనా సమయంలో ఎటువంటి ప్రోగ్రామ్స్ లేక ఇబ్బంది పడిన విషయం మా దృష్టికి వచ్చింది , సోమవారం నా పుట్టినరోజు సంధర్బంగా ఆ అసామాన్య ప్రతిభ కలిగిన కళాకారుడిని ఆదుకోవాలనీ ఈరోజు ఐదువేల రూపాయలు నగదు అందజేశామని తెలిపారు.

ఈ కార్యక్రమంలో సుధాకర్ రెడ్డి, డిఆర్ వి మురళి, విష్ణు వర్ధన్ తదితరులు పాల్గొన్నారు.