గోపాలపురం మండలంలో 'పొలం పిలుస్తోంది' కార్యక్రమం

గోపాలపురం మండలం రాజంపాలెం, దొండపూడి గ్రామాల్లో పొలం పిలుస్తోంది కార్యక్రమాన్ని మంగళవారం నిర్వహించారు. ఈ సందర్భంగా ఏఓ రాజారావు మాట్లాడుతూ రైతులకు పలు సమస్యలపై అవగాహన కల్పించారు. వ్యవసాయ అధికారుల సూచనల మేరకు పంట వేయాలని, మందులు వాడాలని అన్నారు. అనంతరం ఈ-పంట ఫిజికల్ సర్టిఫికెట్లు రైతులకు అందజేశారు. ఈ కార్యక్రమంలో సర్పంచ్ ధనలక్ష్మీతోపాటు పలువురు అధికారులు పాల్గొన్నారు.