మంగళగిరి: కాజా గ్రామంలో దీపం 2 పథకం ప్రారంభం

మంగళగిరి నియోజకవర్గంలో ఉచిత దీపం 2 పథకాన్ని శుక్రవారం కూటమి నాయకులు ప్రారంభించారు. కాజా గ్రామంలో జెండా ఊపి గ్యాస్ సిలిండర్ల వాహనాలను ప్రారంభించారు. పలువురు లబ్ధిదారులకు గ్యాస్ సిలిండర్లు అందజేశారు. ఈ సందర్భంగా పద్మశాలి వెల్ఫేర్ అండ్ డెవలప్మెంట్ కార్పొరేషన్ ఛైర్మన్ నందం అబద్దయ్య మాట్లాడుతూ ఎన్నికల్లో ఇచ్చిన మాట ప్రకారం మహిళలకు ఏడాదికి మూడు గ్యాస్ సిలిండర్లు ఉచితంగా అందించడం జరుగుతుందన్నారు.