ఉరవకొండ: ఘనంగా శ్రీవారి పల్లకి ఉత్సవ కార్యక్రమం
ఉరవకొండ మండలంలో ఉన్న పెన్న అహోబిలం శ్రీ లక్ష్మి నరసింహస్వామి ఆలయంలో పల్లకి ఉత్సవం ఘనంగా జరిగింది. వేద పండితులు ఉదయం నుంచి స్వామి వారికి అభిషేకాలు, అర్చనలు చేశారు. అనంతరం పల్లకిని ప్రత్యేకంగా అలంకరించి శ్రీదేవి భూదేవి సమేత శ్రీ లక్ష్మీనరసింహస్వామి ఉత్సవ విగ్రహాలను పల్లకిలో ఉంచి ఊరేగించారు. ఈ కార్యక్రమంలో ఆలయ సిబ్బంది, అర్చకులు భక్తులు పాల్గొన్నారు.
