అనంతపురం జిల్లా ప్రజలకు ఏపీఎస్ డిఏంఎ హెచ్చరికలు

బంగాళాఖాతంలో ఏర్పడిన అల్పపీడనం కారణంగా జిల్లాలోని పలుచోట్ల వర్షాలు పడుతున్నాయి. ఈ క్రమంలో నేడు, ఎల్లుండి భారీ వర్షాలు పడే అవకాశం ఉందని వాతావరణ శాఖ తెలిపింది. భారీ వర్ష సూచనతో విపత్తుల నిర్వహణ సంస్థ ప్రజలను నిత్యం అప్రమత్తం చేస్తోంది. జిల్లా ప్రజల ఫోన్లకు ఏపీ ఎస్ డి ఏం ఎ అలర్ట్ మెసేజ్ లు పంపుతోంది. మరోవైపు జిల్లా అధికారులు కంట్రోల్ రూమ్లు ఏర్పాటు చేసి నిత్యం పర్యవేక్షిస్తున్నారు.