వాజేడు మండలంలో పిడుగుపాటుకు యువకుడు మృతి

పిడుగుపాటుకు యువకుడు మృతి చెందిన ఘటన ములుగు జిల్లా వాజేడు మండలంలో జరిగింది. స్థానిక ఎస్సై కృష్ణ ప్రసాద్ తెలిపిన వివరాల ప్రకారం.. కృష్ణాపురం గ్రామానికి చెందిన నవీన్(24)పొలంలో నాగలితో దున్నుతున్నాడు. ఈ క్రమంలో భారీ వర్షం కురిసి పిడుగు పడింది. దీంతో నవీన్ అక్కడికక్కడే మృతి చెందాడని అన్నారు. మృతుడి తల్లి సత్తెమ్మ ఫిర్యాదు మేరకు గురువారం కేసు నమోదు చేసి దర్యాప్తు చేస్తున్నామని అన్నారు.