సూర్యాపేట: నేడు పలుచోట్ల విద్యుత్ అంతరాయం

సూర్యాపేట జిల్లా తుంగతుర్తి మండలంలో గురువారం విద్యుత్ సరఫరాలో అంతరయం కలుగుతుంది. తుంగతుర్తి, రావులపల్లి ఉప ఫీడర్ పరిధిలో విద్యుత్తు తీగల మరమ్మతు కారణంగా సరఫరా నిలిపి వేయనున్నట్లు ఏఈ శ్రీనివాస్ తెలిపారు. మండల కేంద్రంతోపాటు వెంపటి ఫీడర్, తూర్పుగూడెం గ్రామాలకు గురువారం ఉదయం 8 నుంచి మధ్యాహ్నం ఒంటి గంట వరకు విద్యుత్తు సరఫరా ఉండదన్నారు. విద్యుత్ వినియోగదారులు సహకరించాలని కోరారు.

సూర్యాపేట జిల్లా మద్దిరాల మండలంలో గురువారం పలుచోట్ల విద్యుత్ అంతరాయం కలగనున్నది. మండల పరిధిలోని గోరెంట్ల 11 కేవీ ఫీడరుకు అడ్డుగా ఉన్న చెట్ల కొమ్మలను తొలగించేందుకు గురువారం ఉదయం 8 నుంచి 12 గంటల వరకు విద్యుత్ సరఫరాలో అంతరాయం ఉంటుందని ఏఈ ఆర్. రమేష్ తెలిపారు. విద్యుత్ వినియోగదారులు సహకరించాలని తెలియజేశారు.
జాజిరెడ్డిగూడెం మండలంలో గురువారం పలుచోట్ల విద్యుత్ అంతరాయం కలగనున్నది. విద్యుత్తు తీగలకు అడ్డుగా ఉన్న చెట్ల కొమ్మలను తొలగించేందుకు అర్వపల్లి, జాజిరెడ్డిగూడెం గ్రామాలకు ఉదయం 8 నుంచి మధ్యాహ్నం 12 గంటల వరకు కరెంటు సరఫరా నిలిపివేస్తున్నట్లు ఏఈ శ్రీకాంత్ తెలిపారు. విద్యుత్ వినియోగదారులు సహకరించాలని తెలిపారు.

సూర్యాపేట జిల్లా నాగారం మండలంలో గురువారం పలుచోట్ల విద్యుత్ అంతరయం కలుగుతుంది. నాగారం, ఫణిగిరి గ్రామాల్లోని విద్యుత్ సబ్ స్టేషన్ల పరిధిలోని నాగారం (బంగ్లా), మామిడిపల్లి గ్రామాల్లో ఉదయం 9 నుంచి మధ్యాహ్నం 12 గంటల వరకు విద్యుత్ సరఫరాలో అంతరాయం ఉంటుందని ఏఈ మహేంద్ర కుమార్ తెలిపారు. విద్యుత్ వినియోగదారులు సహకరించాలని తెలిపారు. ఆయా గ్రామాల్లో విద్యుత్ మరమత్తుల కారణంగా సరఫరాలో అంతరాయం కలుగుతుందన్నారు.