గచ్చిబౌలిలో రోడ్డు ప్రమాదం.. ఇద్దరు మృతి
గచ్చిబౌలి పరిధిలో రోడ్డు ప్రమాదం చోటుచేసుకుంది.. ఈ ప్రమాదంలో ఇద్దరు యువకులు మృతి చెందారు. గురువారం రాత్రి ఈ ఘటన జరిగింది. ఇద్దరు యువకులు త్రిబుల్ ఐటీ చౌరస్తా నుంచి విప్రో సర్కిల్ వైపు బైక్‌లో వెళ్తున్నారు. మితిమీరిన వేగంతో బైక్ నడుపుతూ డివైడర్‌ను ఢీకొట్టారు. దీంతో ఇద్దరు యువకులు స్పాట్‌లోనే మృతి చెందారు. మృతులు వైజాగ్‌కు చెందిన దేవరకుమార్ స్వామి (25) గాజులరామారంలో నివాసం ఉంటున్న వెంకన్న స్వామి (30)గా పోలీసులు గుర్తించారు.
