మంథని: రోడ్డు ప్రమాదంలో యువతి మృతి
ఆర్టీసీ బస్సు ఢీకొని ఓ యువతి మృతి చెందిన ఘటన హైద్రాబాద్ లోని తార్నాకలో ఆదివారం చోటు చేసుకుంది. మంథనికి చెందిన యువతి ద్విచక్ర వాహనంపై మెట్టుగూడ నుంచి హబ్సిగూడ ప్రధాన రహదారిలో వెళ్తుంది. ఈ తరుణంలో రిలయన్స్ స్మార్ట్ బజారు వద్ద ద్విచక్ర వాహనాన్ని ఆర్టీసీ బస్సు ఢీకొట్టింది. ఈ ప్రమాదంలో యువతి తలకు తీవ్ర గాయాలవడంతో అక్కడికక్కడే మృతి చెందింది. స్థానికుల సమాచారం మేరకు పోలీసులు కేసు నమోదు చేసి దర్యాప్తు చేపట్టారు.
