కడ్తాల్: మైసిగండి ఆలయానికి పోటెత్తిన భక్తులు

కడ్తాల్ మండలం మైసిగండి మైసమ్మ ఆలయంలో శుక్రవారం అమ్మవారి బ్రహ్మోత్సవాలు అంగరంగ వైభవంగా ప్రారంభమయ్యాయి. ఉత్సవాలలో భాగంగా అమ్మవారికి క్షీరాభిషేకం, కుంభ హారతి కార్యక్రమాలు నిర్వహించారు. కార్తీక పౌర్ణమినీ పురస్కరించుకొని ఆలయానికి అమ్మవారి దర్శనం కోసం ఉదయాన్నే భక్తులు పెద్దసంఖ్యలో తరలివచ్చి దర్శించుకున్నారు. ఆలయంలో ప్రత్యేక పూజలు నిర్వహించి కుంభ హారతిలో పాల్గొన్నారు.