భద్రాచలం: గంజాయి తరలిస్తున్న ఇద్దరి అరెస్టు

గంజాయిని తరలిస్తున్న ఇద్దరిని భద్రాచలం పట్టణ పోలీసులు ఆదివారం అరెస్టు చేశారు. ఎస్సై పీవీఎన్ రావు తెలిపిన వివరాల ప్రకారం పాల్వంచకు చెందిన ఎస్కే షాబీర్, ఖమ్మం పట్టణానికి చెందిన ఎ. సిద్దు ఆంధ్రా-ఒడిశా సరిహద్దులో 400 గ్రాముల గంజాయిని కొనుగోలు చేశారు. సొంతానికి వాడుకునేందుకు తరలిస్తుండగా భద్రాచలం చెక్పోస్టు వద్ద తనిఖీలో పట్టుబడ్డారు. ద్విచక్ర వాహనాన్ని, గంజాయిని స్వాధీనం చేసుకుని పోలీసులు అరెస్టు చేశారు.