కాగజ్‌నగర్‌లో ఘనంగా నరకాసుర దహనము

కాగజ్‌నగర్‌ పట్టణం పొట్టి శ్రీరాములు చౌరస్తా సమీపంలో బుధవారం శ్రీ శ్రీ శ్రీ త్రిదండి రామానుజ చిన్న జియర్ స్వామి చేతుల మీదుగా నరకాసుర దహన కార్యక్రమం ఘనంగా నిర్వహించారు. ముందుగా నరకాసుర వధ గురించి, దీపావళి ప్రాముఖ్యత గురించి భక్తులకు స్వామిజీ వివరించారు. అనంతరం నరకాసుర దహనం చేశారు. ఈ కార్యక్రమంలో సిర్పూర్ ఎమ్మెల్యే డా. పాల్వాయి హరీష్ బాబు, మున్సిపల్ వైస్ చైర్మన్ రాచకొండ గిరీష్, భక్తులు పాల్గొన్నారు.