సత్తుపల్లి: 900 లీటర్ల డీజిల్ అపహరణ

సత్తుపల్లి జెవిఆర్ కళాశాల సమీపంలో రోడ్డుపై ఆగి ఉన్న మూడు లారీల తాళాలు పగలగొట్టి సుమారు 900 లీటర్ల డీజిల్ అపహరించిన సంఘటన శనివారం చోటుచేసుకుంది. పోలీసులు తెలిపిన వివరాల ప్రకారం డెక్కన్ సిమెంట్ కంపెనీకి చెందిన మూడు లారీలు వైజాగ్ నుంచి బొగ్గు లోడుతో హైదరాబాద్ వెళ్తున్నాయి. కాసేపు నిద్రించేందుకు డ్రైవర్లు రహదారి పక్కన లారీని నిలపగా గుర్తు తెలియని వ్యక్తులు సుమారు 900 లీటర్ల డీజిల్ ను అపహరించారు.