ఒకరి బేబీని మరొకరికి ఇచ్చిన ఆస్పత్రి సిబ్బంది

జగిత్యాల జిల్లా ప్రభుత్వ ఆసుపత్రిలో సిబ్బంది నిర్లక్ష్యం బయటపడింది. అప్పుడే పుట్టిన నవజాత శిశువులను తారుమారు చేశారు. ట్యాగ్‌లను చూసుకోకుండా ఒకరి బేబీని మరొకరికి ఇచ్చారు. డ్రెస్సింగ్ టవల్ తమది కాదని చెప్పినా వినిపించుకోకుండా తారుమారు చేశారని బంధువులు ఆసుపత్రి ఎదుట ఆందోళనకు దిగారు. సిబ్బంది నిర్లక్ష్యంపై స్థానికులు ఆగ్రహం వ్యక్తం చేశారు. ఎట్టకేలకు జరిగిన పొరపాటును గుర్తించిన ఆసుపత్రి సిబ్బంది తర్వాత ఎవరి బేబీలను వారికి అప్పగించారు.