அதிமுக சார்பில் தண்ணீர் பந்தல் திறப்பு

அதிமுக சார்பில் தண்ணீர் பந்தல்களை திறக்க வேண்டும் என அதிமுக பொதுச் செயலாளர் எடப்பாடி பழனிசாமி அறிவித்ததன் பேரில் பல்வேறு பகுதிகளில் அதிமுக சார்பில் தண்ணீர் பந்தல்கள் திறந்து வைக்கப்பட்டு வருகிறது. இந்த நிலையில் பூந்தமல்லி ஒன்றியத்திற்கு உட்பட்ட காட்டுப்பாக்கம் ஊராட்சி, பூந்தமல்லி நகராட்சிக்கு உட்பட்ட பகுதிகளில் தண்ணீர் பந்தல் திறப்பு விழா நடைபெற்றது. இதில் முன்னாள் அமைச்சர் பென்ஜமின் கலந்து கொண்டு தண்ணீர் பந்தலை திறந்து வைத்து பொதுமக்களுக்கு தர்பூசணி, இளநீர், வெள்ளரி, மோர், ரோஸ் மில்க் உள்ளிட்ட குளிர்ச்சியூட்டும் பொருட்களை பொதுமக்களுக்கும், வாகன ஓட்டிகளுக்கும் கொளுத்தும் வெயிலில் வழங்கினார் இந்த நிலையில் தண்ணீர் பந்தல் விழாவின்போது திமுக ஆட்சியில் கோடை காலத்தில் மின்சாரம் தினமும் தடைபடும் அப்போது வீட்டில் உள்ள பிரிட்ஜ் வேலை செய்யாமல் போகும் நிலை ஏற்படும் அதுபோன்ற நேரத்தில் மண்பானையில் தண்ணீர் குடிக்க வேண்டும் எனவும் மண்பானையில் தண்ணீர் குடித்தால் உடலுக்கு தீங்கு வராது என்பதை வலியுறுத்தி பொதுமக்களுக்கு குளிர்ச்சியான பொருட்களுடன் சேர்த்து மண் பாணையும் வழங்கியது பரபரப்பை ஏற்படுத்தியது. பூந்தமல்லியில் அதிமுக சார்பில் திறக்கப்பட்ட தண்ணீர் பந்தல் நிகழ்ச்சியில் பொதுமக்களுக்கு குளிர்ச்சியூட்டும் பொருட்களுடன், மண்பானையும் வழங்கப்பட்ட சம்பவம் நெகிழ்ச்சியை ஏற்படுத்தியது.