அரசு பள்ளிக்கு கழிப்பறை அமைத்துக் கொடுத்த முன்னாள் மாணவர்கள்

சிவகங்கை மாவட்டம் மானாமதுரை அருகே உள்ள இடைக்காட்டூர் அரசு மேல்நிலைப் பள்ளியில் 250க்கும் மேற்பட்ட மாணவர்கள் படித்து வருகின்றனர். பள்ளியில் கடந்த 1998 ஆம் ஆண்டு பத்தாம் வகுப்பு படித்த மாணவ மாணவிகள் தற்போது அவர்கள் படித்து 25 ஆண்டுகள் ஆனதை முன்னிட்டு தற்போது தமிழகம் மற்றும் வெளி மாநிலங்கள் அமெரிக்கா துபாய் சவுதி உள்ளிட்ட வெளிநாடுகளில் உள்ளவர்கள் வாட்ஸ் அப் மூலம் ஒன்று சேர்ந்து தாங்கள் படித்த இடைக்காட்டூர் அரசு மேல்நிலைப்பள்ளிக்கு மாணவர்களின் நலன் கருதி தங்களது சொந்த செலவில் கழிப்பறை கட்டியுள்ளனர். அதனை தொடர்ந்து பள்ளியில் முன்னாள் மாணவர்கள் கழிப்பறை கட்டடத்திற்கான சாவியை தலைமை ஆசிரியரிடம் வழங்கினர் இதனை தொடர்ந்து பள்ளி மாணவர்கள் கழிப்பறை கட்டடத்தை ரிப்பன் வெட்டி திறந்து வைத்தனர். முன்னாள் மாணவர்களின் இச்செயலை தலைமை ஆசிரியர்கள் ஆசிரியர்கள் மாணவர்கள் இடைக்காட்டூர் கிராம மக்கள் பாராட்டினர்.