தேவகோட்டையில் 1250 கிலோ ரேஷன் அரிசி கடத்தல்; இருவர் கைது

சிவகங்கை மாவட்டம் தேவகோட்டை தாலுகா காவல்நிலைய தனிப்படை போலீசாருக்கு புளியாலில் இருந்து தேவகோட்டைக்கு பொலிரோ பிக் அப் வாகனத்தில் ரேஷன் அரிசி மூட்டைகள் கடத்தி வருவதாக ரகசிய தகவல் கிடைத்தது.

அதனைத்தொடர்ந்து அந்த வாகனத்தை புனித ஜான் ஸ்கூல் அருகில் சந்தேகத்தின் பெயரில் தாலுகா போலீசார் சோதனை செய்தனர். வாகனத்தில் ரேஷன் அரிசி இருந்தது தெரிய வந்தது. வேனில் 1250 கிலோ எடை உள்ள 25 மூட்டை ரேஷன் அரிசியையும், பொலிரோ பிக்அப் வாகனத்தையும் போலீசார் பறிமுதல் செய்தனர். கடத்தலில் ஈடுபட்ட திடக்கோட்டை சௌந்தர பாண்டியன்(45), திருவாடானை சினேகவல்லிபுரம் சரவணன் (49) ஆகிய இருவரையும் கைது செய்து தாலுகா போலீசார் விசாரணை நடத்தி வருகின்றனர்.