சங்ககிரியில் நாளை மின் நுகர்வோர் குறைதீர்க்கும் கூட்டம்

சேலம் மாவட்டம் சங்ககிரி கோட்ட மின்வாரிய பொறியாளர் அலுவலகத்தில் நாளை (புதன்கிழமை) காலை 11 மணி முதல் மதியம் 1 மணி வரை சங்ககிரி கோட்டத்திற்கு உட்பட்ட மாதாந்திர மின் நுகர்வோர்கள் குறை தீர்க்கும் கூட்டம் நடைபெற உள்ளது. கூட்டத்திற்கு மேட்டூர் மின்வாரிய மேற்பார்வை பொறியாளர் தலைமை தாங்குகிறார். எனவே சங்ககிரி கோட்டத்திற்குட்பட்ட மின் நுகர்வோர்கள் மின்சாரம் சம்பந்தமான குறைகளை தெரிவித்து பயன்பெறுமாறு சங்ககிரி கோட்ட மின்வாரிய பொறியாளர் உமாராணி வெளியிட்டுள்ள செய்திக்குறிப்பில் தெரிவித்துள்ளார்.